Թուրքիայում հրապարակվել է քրդամետ Ժողովուրդների դեմոկրատական կուսակցության (HDP-ԺԴԿ) պատգամավոր Օսման Բայդեմիրի նկատմամբ կիրառվող պատժամիջոցը՝ Թուրքիայի խորհրդարանում «Քուրդիստան» բառը հնչեցնելու համար:
Թուրքական «Sabah» թերթի փոխանցմամբ՝ իշխանական Արդարություն և զարգացում (ԱԶԿ-AKP) և Ազգայնական շարժում (MHP-ԱՇԿ) կուսակցությունների պատգամավորների քվեարկությամբ Բայդեմիրը ստիպված կլինի բաց թողնել խորհրդարանի 2 նիստ: Բացի այդ, կսահմանափակվեն նրա ճանապարհորդական ծախսերի համար նախատեսված գումարները:
Հիշեցնենք, որ AKP-ի և MHP-ի համատեղ ջանքերով Թուրքիայում մշակվել էր օրինագիծ, որով պատիժ էր սահմանվում այն անձանց նկատմամբ, ովքեր Թուրքիայի խորհրդարանում կարտաբերեն «Հայոց ցեղասպանություն» և «Քուրդիստան» բառերը:
Բայդեմիրը Թուրքիայում ապրող այն անձանց թվին է պատկանում, ովքեր ճանաչում և դատապարտում է Հայոց ցեղասպանությունը:
Ermenihaber.am
Leave a Reply