Ուկրաինայում հայերը նշել են Ցեղասպանության հանցագործության զոհերի հիշատակի օրը

Կիեւում դեկտեմբերի 9-ին տեղի է ունեցել Ցեղասպանության հանցագործության զոհերի հիշատակի և արժանապատվության ու այս հանցագործության կանխարգելման օրվան նվիրված հանրահավաք և աղոթք, հայտնում է AnalitikaUA.net-ը։

Հայ և ուկրաինացի ժողովուրդների անմեղ զոհերին նվիրված խաչքարի մոտ արարողությունը վարել է Հայ առաքելական եկեղեցու Ուկրաինայի թեմի առաջնորդ եպիսկոպոս Մարկոս Հովհաննիսյանը։

Միջոցառմանը մասնակցել են Ուկրաինայի հայերի միության գործադիր տնօրեն Դավիթ Մկրտչյանը, Կիեւի հայ համայնքի նախագահ Նորիկ Գեւորգյանը, հայկական համայնքի անդամները, այլ ազգային համայնքների, հոգեւորականության ներկայացուցիչները, քաղաքի բնակիչները:

Հիշեցնենք, որ ՄԱԿ-ի Գլխավոր ասամբլեան 2015-ի սեպտեմբերի 11-ին դեկտեմբերի 9-ը ընդունել էր որպես Ցեղասպանության հանցագործության զոհերի հիշատակի եւ արժանապատվության ու այս հանցագործության կանխարգելման օր։

http://hayernaysor.am/archives/268468