Էրդողանը Թրամփի որոշման հետ կապված հեռախոսազրույց է ունեցել Հռոմի Պապի հետ

Երուսաղեմը Իսրայելի մայրաքաղաք ճանաչելու` ԱՄՆ նախագահ Դոնալդ Թրամփի հայտարարությունից հետո Թուրքիայի նախագահ Ռեջեփ Թայիփ Էրդողանը զանգահարել է Հռոմի Պապին։

Թուրքական Milliyet-ի փոխանցմամբ՝ Հռոմի Պապի հետ հեռախոսազրույցում Էրդողանը հիշեցրել է, որ Երուսաղեմը սուրբ քաղաք է հրեաների, քրիստոնյաների ու մուսուլմանների համար։  Հեռախոսազրւոյցում Հռոմի Պապը շեշտել է, որ տարբեր պլատֆորմներում նախկինում բազմիցս հայտնել է, որ ԱՄՆ-ի կողմից նման քայլ անելը սխալ է։

Հեռախոսազրույցի վերջում կողմերը նշել են Թուրքիա-Վատիկան հարաբերությունների զարգացման անհրաժեշտության մասին։

Նշենք, որ ԱՄՆ նախագահ Դոնալդ Թրամփը Երուսաղեմը ճանաչել է որպես Իսրայելի մայրաքաղաք եւ հրահանգել է ԱՄՆ դեսպանատունը Թել Ավիվից տեղափոխել Երուսաղեմ։

Աշխարհի բազմաթիվ երկրներ Թրամփին կոչ էին արել խուսափել նման հայտարարությունից, քանի որ այն կթեժացնի Արեւելքում լարվածությունը։

https://news.am/arm/news/425192.html