Թուրքիոյ դատախազութիւնը կ՛ուզէ նաեւ Փայլանը զրկել անձեռնմխելիութենէ

Ըստ թրքական «Տեմոքրաթհապեր» լրատուական կայքին՝ նոյեմբեր 15ին եւ 16ին ներկայացուած այս պահանջագիրներուն թիրախ դարձած կարգ մը պատգամաւորներու վերաբերեալ քանի մը պահանջագիրներ ներկայացուած են միաժամանակ:

Ներկայացուած պահանջագիրներէն 46ը կը վերաբերի գլխաւոր ընդդիմադիր՝ Հանրապետական ժողովրդային կուսակցութեան, իսկ մնացեալ 75ը՝ քրտամէտ Ժողովուրդներու ժողովրդավարական կուսակցութեան պատգամաւորներուն: 2 պահանջագիր ուղարկուած է հանրապետականներու առաջնորդ Քեմալ Քըլըճտարօղլուի, իսկ 3 հատ՝ քրտամէտ կուսակցութեան համանախագահ Սալահետտին Տեմիրթաշի վերաբերեալ, հակառակ անոր որ վերջինս արդէն իսկ բանտարկուած է:

Պահանջագիր կայ նաեւ քրտամէտ կուսակցութեան հայ պատգամաւոր Կարօ Փայլանի վերաբերեալ:

Asbarez.com