Թուրքիայի նախագահ Ռեջեփ Թայիփ Էրդողանը հայտարարել է, որ Իրաքի Մոսուլ քաղաքը, որը ներկայում գրավել են «Իսլամական պետության» գրոհայինները, ինչ–որ ժամանակ պատկանել են Թուրքիային։ Այս մասին նա հայտարարել է թուրքական Բուրսա քաղաքում իր ելույթի ժամանակ։
«Պետք է հասկանալ, որ Իրաքը շատ հին քաղաքներ ունի։ Պատմության մեջ նաեւ Քիրքուքն է մերը եղել, Մոսուլն է մերը եղել»,-ասել է Էրդողանը։
Թուրքիայի նախագահը հիշեցրել է, որ շատերին դուր չի եկել, որ ինքը հիշատակել է Ազգային ուխտը (Misak-ı Milli-Ակունքի խմբ.)։ Թուրքիայի Ազգային ժողովի կայքում նշված է, որ «պետությունները, որոնք մասնատեցին Օսմանյան կայսրությունը, շատ անհանգստացած էին Ազգային ուխտի որոշումներով:
«Ինչո՞ւ նրանց դա դուր չեկավ։ Ես ընդամենը պատմության դաս տվեցի, դուք պետք է դա հասկանաք»,-հավելել է նա։
Էրդողանը քննադատել է Արեւմուտքի գործողությունները՝ նշելով, որ արեւմտյան երկրները մինչ այս պահը «բառացիորեն ոչինչ չեն արել» Իրաքի եւ Սիրիայի համար։ «Նրանք խանգարել են այնպիսի բնիկ ազգերի, ինչպիսին մենք ենք, ինչ-որ բան անել»,-ընդգծել է Էրդողանը։
Leave a Reply