Թուրքիայում հույների գերեզմանատան տեղում արհեստական ջրվեժ են կառուցել

Թուրքիայում շարունակվում են քրիստոնյաների սրբատեղիների եւ գերեզմանատների նկատմամբ անհարգալից դրսեւորումները: Հերթական դեպքը տեղի է ունեցել Բարթըն քաղաքում ապրած հույների գերեզմանատան հետ: Ինչպես տեղեկացնում է Ստամբուլի հայկական Ակoսը, Բարթըն քաղաքի Գյավուրի քար կոչվող թաղամասը, որտեղ ժամանակին ապրել են հույներ եւ հայեր, Բարթընի քաղաքապետարանը այգու է վերածել: Իսկ այն հատվածում, որտեղ գտնվել է հույների գերեզմանատունը, Բարթընի քաղաքապետարանը արհեստական ջրվեժ է կառուցել: Նշվում է, որ Բարթընում վերացվել են հայերին եւ հույներին պատկանող բոլոր հետքերը` բացի հույներին պատկանած մի դպրոցից, որտեղ հիմա թուրք աշակերտներն են սովորում:

http://news.am/arm/news/168723.html