Թուրքերն Արարատի գագաթին նշելու են «Հաղթանակի» տոնը

Թուրքիայի լեռնագնացների ֆեդերացիան «Հաղթանակ»-ի տոնի կապակցությամբ կազմակերպել է լեռնագնացություն դեպի Արարատ լեռան գագաթ:

Թուրքական «Սոնդաքիքա» կայքի փոխանցմամբ` Թուրքիայի լեռնագնացների ֆեդերացիայի կազմակերպած Արարատի գագաթ լեռնագնացությանը մասնակցում են Թուրքիայից եւ 7 երկրից թվով   182 լեռնագնացներ, ովքեր օգոստոսի 30-ին արդեն կլինեն Արարատի գագաթին՝ նշելու Թուրքիայի «Հաղթանակ»-ի տոնը:

Նշենք, որ 1922 թվականի օգոստոսի 30-ին քեմալական զորքերը Խորհրդային Ռուսաստանի, եւ անձամբ Լենինի ռազմական եւ ֆինանսական աննախադեպ աջակցության շնորհիվ ճեղքեցին հունական բանակի պաշտպանական գիծը Ափիոն Գարահիսարի հատվածում եւ Դումլուփընարի ճակատամարտում պարտության մատնեցին հույներին, իսկ նրանց հրամանատարին գերի վերցրին։ Այդ պատճառով օգոստոսի 30-ը Թուրքիայում համարվում է մեծ հաղթանակի օր եւ պետականորեն նշվում է, քանի որ այդ հաղթանակով Թուրքիան ոչ միայն վերջնականապես փրկվեց մասնատումից, այլեւ կարողացավ կարճ ժամանակում երկրի արեւմտյան հունաբնակ շրջանները մաքրել հույներից։

http://news.am/arm/news/168736.html