Փոփոխություն` Թուրքիայի ՔՕ 301-րդ հոդվածում

Ներկայացվել է Թուրքիայի կառավարության կողմից մշակված ժողովրդավարացմանն ուղղված բարեփոխումների փաթեթի նախագիծը: Ըստ թուրքական «Սաբահ» օրաթերթի` Թուրքիայի քրեական օրենսգրքի տխրահռչակ 301-րդ հոդվածը վերոնշյալ փաթեթի նախագծում ներկայացել է փոփոխված տարբերակով:

Ըստ աղբյուրի` եթե նախկինում հոդվածը մինչև 2 տարի ազատազրկում էր նախատեսում էր «թուրք ազգը, պետությունը, Թուրքիայի Ազգային մեծ ժողովը, կառավարությունը, դատարանը, զինվորին կան ոստիկանին» ստորացնողների համար, ապա նոր օրինագծի հաստատման դեպքում այդ հոդվածը պատիժ կնախատեսի միայն «թուրք ազգը» նվաստացնողների համար:  Այսինքն, պետությունը, Թուրքիայի Ազգային Մեծ ժողովը, կառավարությունը, դատարանը, զինվորին կան անվտանգության աշխատակիցներին հրապարակավ ստորացնողների հանդեպ այլևս գործ չի հարուցվի, եթե նշյալ արարքը չդիտվի որպես հանցագործություն` օրենսգրքի այլ հոդվածներով:

Նշենք, որ ժամանակին,  301-րդ հոդվածով, թուրքական պետությանը վիրավորելու համար դատապարտվել է Հրանտ Դինքը, մեղադրանք է ներկայացվել թուրք հայտնի պատմաբան Թաներ Աքչամի, գրող Օրհան Փամուքի հանդեպ: Սակայն Մարդու իրավունքների եվրոպական դատարանը (ՄԻԵԴ) Դինքին 301-րդ հոդվածով դատելու համար դատապարտեց Թուրքիային, իսկ 2011թ. Թաներ Աքչամի դեմ հետաքննություն սկսելը գնահատեց որպես օրենքի խախտում:

http://ermenihaber.am/?lang_id=2&news_=3&cur_news=874