Ստամբուլի ցույցերի խորհրդանիշ դարձած թուրքը մրցանակ կստանա Գերմանիայում

Ստամբուլի բնակիչ Էրդեմ Գունդուզը, որն օգոստոսի կեսերին դարձել է Թուրքիայում հակակառավարական շարժման ազգային խորհրդանիշը, արժանացել է գերմանական հեղինակավոր М100 Media Award մրցանակին, հայտնում է РИА Новости-ն՝ վկայակոչելով France Presse գործակալությանը։

34-ամյա պարուսույց Գունդուզը ճանաչում է ձեռք բերել, երբ դուրս է եկել Թաքսիմ հրապարակ և կանգնել Աթաթուրքի անվան մշակույթի կենտրոնի առաջ՝ դեմքով դեպի ժամանակակից թուրքական պետության հիմնադիր Քեմալ Աթաթուրքի նկարը։ Նա ժամերով անշարժ և լուռ կանգնել է՝ չարձագանքելով ոստիկաններին։ Ականատեսների խոսքով՝ Գունդուզը ձեռքերը գրպանում դրած կանգնել է մոտ 8 ժամ. նրա արարքը նկատել է հասարակությունը, և շուտով հարյուրավոր մարդիկ միացել են նմանատիպ բողոքի ակցիային։

«Իր անխոս բողոքով նա դարձել է խաղաղ դիմադրության խորհրդանիշ և կողմնակիցներ ձեռք բերել ամբողջ աշխարհում»,- ասել է Գերմանիայի Պոտսդամ քաղաքի քաղաքապետ Յան Ջեյկոբսը։

М100 Media Award մրցանակը շնորհվում է յուրաքանչյուր տարի գերմանացի լրագրողների կոլեգիայի կողմից։ Գունդուզը ստանում է մրցանակը՝ «խոսքի ազատության և մարդու իրավունքներին խիզախորեն ձգտելու համար»։ Մրցանակաբաշխությունը կկայանա սեպտեմբերի 5-ին, Պոտսդամում։

http://www.tert.am/am/news/2013/08/27/erdem-gunduz/