Դերիկի հայկական եկեղեցին հսկում է մուսուլման կինը

Թուրքիայում հրատարակվող «Իփեքյոլու» թերթում հետաքրքիր հոդված է հրապարակվել Մարդինի Դերիկ շրջանում հայկական Կարմիր եկեղեցու վերաբերյալ։  Հայոց ցեղասպանությունից հետո Դերիկում կանգում մնացած հայկական եկեղեցին այժմ հսկում է տեղացի մուսուլման կանանցից մեկը, գրում է թերթը` «Կոտորածի ենթարկված մի համայնքից մնացած սրբավայրը. Դերա Սոր» վերնագրով հոդվածում։

60-ամյա Հաթուն Գյորունեն հսկում է հայկական եկեղեցին, մաքրում այն, ընդունում ուխտագնացներին։ Մուսուլման կինն է հայկական եկեղեցու խնամքով զբաղվում, քանի որ Հայոց ցեղասպանության ընթացքում տեղի հայերը բնաջնջվել են բռնագաղթի ենթարկվել, իսկ փոքրաթիվ փրկվածները հետագայում հեռացել են, և տեղանքում քրիստոնյա հայեր չեն մնացել։

Թուրքերի կողմից ավերվել են նաև շրջանի մյուս հայկական, հունական, ասորական եկեղեցիները, և միայն Կարմիր եկեղեցին է ներկայում կանգուն։

Գյորունեն էլ որոշել է ստանձնել 17-րդ դարում կառուցված սրբատեղիի պահպանությունը, որտեղ տարեկան մեկ անգամ ծիսական արարողություն է անցկացվում։

Նշենք, որ թերթի տպագիր հատվածը «Թուրքագիտական պորտալին» Վանից տրամադրել էր թուրքագետ Մհեր Աբրահամյանը։

allTurkey.am