Թուրքիայում Անգլիայի արտակարգ և լիազոր դեսպան Դեյվիդ Ռեդըվեյն այցելել է Կեսարիայի Սուրբ Գրիգոր Լուսավորիչ հայ առաքելական եկեղեցին: Դա եղել է ոչ պաշտոնական այց:
Թուրքական լրատվամիջոցների հաղորդմամբ` դեսպան Ռեդըվեյը Նևշեհիրում գտնվող որոշ սրբավայրեր այցելելուց հետո հասել է Կեսարիայի հայկական եկեղեցի, մոմ վառել, տեղեկություններ ստացել եկեղեցու վերաբերյալ, ինչպես նաև` նվիրատվություն արել եկեղեցու հիմնադրամին:
Դեսպանը շեշտելով, թե հայերի և թուրքերի միջև «պատմական միասնականություն» է եղել, նշել է, որ սույն կառույցը ևս այդ անցյալի հավաստիքն է: Ռեդըվեյը նաև ընդգծել է, թե երկու հասարակությունները «մի շարք դժվարությունների են հանդիպել» պատմության ընթացքում, և հույս հայտնել, որ այդ խնդիրները կլուծվեն երկու երկրների միջև բանակցությունների միջոցով:
Անգլիայի դեսպանը հայկական եկեղեցուց հետո այցելել է նաև որոշ մզկիթներ, որից հետո` Կեսարիայից մեկնել:
Akunq.net
Leave a Reply