Թուրքիայում գյուղացին ցանկանում է իր հողում գտնվող հայկական եկեղեցին հանձնել հայ համայնքին

Փաշվասք (Փաշաէլմալը) գյուղԲիթլիսի (Բաղեշ-Ակունքի խմբ.) Թաթվանի շրջանի նախկինում հայկական Փաշվասք (Փաշաէլմալը) գյուղի բնակիչ Յըլմազ Յամաչին հաջողվել է իր ընտանեկան հողատարածքում գտնվող հայկական եկեղեցին գրանցել որպես մշակութային ժառանգություն։

Ստամբուլի հայկական «Ակօս»-ի փոխանցմամբ՝ Բիթլիս նահանգի Թաթվանի (Դատվան) Փաշաէլմալը գյուղի բնակիչ Յըլմազ Յամաչը նշել է, թե երկար քաշքշուկներից հետո իրեն հաջողվել է գյուղում իր ընտանեկան հողերում գտնվող հայկական եկեղեցին Թուրքիայի մշակույթի եւ տուրիզմի նախարարությունում գրանցել տալ որպես մշակութային ժառանգություն, սակայն դրանից հետո եկեղեցու պահպանման հետ կապված որեւէ աշխատանք չի կատարվել։ Նա շեշտել է, թե պատրաստ է եկեղեցին փոխանցել հայ համայնքին։

Յամաչն անհանգստացած է, որ թեեւ եկեղեցու վերաբերյալ պահպանման որոշում է կայացվել, սակայն գյուղացիներն այն դեռեւս որպես ախոռ են օգտագործում։

Յամաչը պատմել է, թե հիշյալ այդ տարածքը, որի մեջ գտնվում է եկեղեցին, իր պապը 1950 թ. գնել է Փաշաէլմալըի գյուղի Ռեշիդ աղայից, երբ Բիթլիսի Մոտկան գյուղից տեղափոխվել են Փաշաէլմալը։  «Ռեշիդ աղան քրդական ցեղի առաջնորդ էր եւ ընտրվել էր համիդիյե գնդերից մեկի հրամանատար, իսկ ավելի ուշ` յուրացրել հայերի ունեցվածքը»,-ասել է Յըլմազ Յամաչը։

http://news.am/arm/news/167470.html

Leave a Reply

Your email address will not be published. Required fields are marked *

Վերջին Յաւելումներ

Հետեւեցէ՛ք մեզի

Օրացոյց

August 2013
M T W T F S S
 1234
567891011
12131415161718
19202122232425
262728293031  

Արխիւ