Թուրքիայի միակ հայկական գյուղում նշվել է Մայր Աստվածածնի տոնը

Թուրքիայի միակ հայկական Վաքըֆլը գյուղում ամեն տարի օգոստոսի երկրորդ շաբաթին Սուրբ Մայր Աստվածածի տոնն է նշվում: Մայր Աստվածածին եկեղեցում մատուցվում է պատարագ, որից հետո կատարվում է խաղողօրհնեքի ծիսական արարողություն:

Կրոնական ծիսակատարություններն անցակացվել են Պոլսո հայոց պատրիարքի տեղապահ Արամ արքեպիսկոպոս Աթեշյանի հանդիսապետությամբ: Խաղողօրհնեքի տոնին մասնակից հայերը մոմավառությունից հետո աղոթել են Թուրքիայի և համայն աշխարհին խաղաղության, բարեկամության համար:

Ըստ թուրքական «Հաբերջինիզ» լրատվական կայքի՝ Վաքըֆլը գյուղում կրոնական ծիսակարգից հետո եկեղեցու բակում 7 մեծ կաթսաներով հարիսա է եփվել և հյուրասիրվել ներկաներին: Մայր Աստվածածնի տոնին մասնակցելու համար մեծ թվով հյուրեր են ժամանել Միացյալ Նահանգներից, Գերմանիայից, Ֆրանսիայից և Թուրքիայի տարբեր շրջաններից: Մասնակիցների շարքում էին նաև Վաքըֆլըի գյուղապետ Պերճ Քարթունը, հայ համայնքի ղեկավարներից Ջեմ Չափարը և այլք:

http://ermenihaber.am/?lang_id=2&news_=5&cur_news=268