Թուրքիայի միակ հայկական գյուղը համարվող Վաքըֆլը գյուղում տոնակատարությամբ հյուրատուն է բացվել

Հաթայի նահանգապետ Մեհմեթ Ջելալեթթին Լեքեսիզը բացման արարողության ընթացքում ունեցած ելույթում նշել է, որ մշակութային ժառանգության պահպանումն ապագային տեր կանգնել է նշանակում։ Նա Հաթայ նահանգի հայկական ժառանգությունը համեմատել է գեղեցիկ ծաղիկների հետ և նշել, որ Հաթայը կկորցնի իր գույների մի մասը, եթե հայերն այնտեղ չլինեն։ «Անցյալն այսօրվա հետ միանալով` նպաստում է, որ ապագան ավելի ամուր լինի։ Մշակութային ժառանգությանը տեր կանգնելը ապագան պահպանել է նշանակում։ Մշակութային ժառանգությունը ոտքի կանգնեցնելը հիշողության վերականգնում է նշանակում։ Տարիների ընթացքում գրեթե ծնկի եկած մի շինություն այսօր դարձյալ ոտքի է կանգնում, և մենք ուրախ ենք դրա համար»,- ասել է Լեքեսիզը։ Նա հայերին շնորհավորել է առաջիկա Սուրբ Աստվածածնի Վերափոխման տոնի կապակցությամբ։ Երկհարկանի շինության 7 սենյակներից 5-ը նախատեսված են որպես սենյակներ հյուրերի համար, մեկը խոհանոցն է, իսկ մյուսում կարող են համաժողովներ իրականացվել։

http://mitk.am