Թուրքիայում տարեց հայուհուն սպանած հայն ասել է, թե չի հիշում՝ ինչ է կատարվել

Թուրքիայում սպանված տարեց հայուհի Մարիցա Քյուչուքի գործով միակ կասկածյալը չի ընդունել իրեն ներկայացրած մեղադրանքները և ասել է, որ չի հիշում, թե ինչ է կատարվել: Հայտնում է Hurriyet Daily News-ը՝ նշելով, որ սկզբում նա՝ 38-ամյա Մուրադ Նազարյանը, ընդունել էր մեղքը:
Օգոստոսի 14-ին կայացած դատական նիստի ժամանակ նա ասել է, որ մեղքը խոստովանել է «հոգեբանական ճնշման տակ»:
Նախկինում նա դատված է եղել թմրանյութերի վաճառքի և գողության համար:
84-ամյա Քյուչուքը դաժանորեն դանակահարվել էր 2012-ի դեկտեմբերին Ստամբուլի Սամաթյա թաղամասում:
Մուրադ Նազարյանի ընտանիքը ասել է, որ իրենք ցանկանում են, որպեսզի «լույս սփռվի գործի վրա», և վերականգնվի իրենց բարի անունը:

http://www.tert.am/am/news/2013/08/15/samatiya-not-remembering/