Հայաստանի մշակույթի նախարարությունը որոշում է ընդունել` ազգությամբ քուրդ գրող եւ հրապարակախոս Յաշար Քեմալին շնորհել «Գրիգոր Նարեկացի» հուշամեդալը։
Յաշար Քեմալը հուշամեդալով է պարգեւատրվել հայ ժողովրդի մշակութային ժառանգության նկատմամբ ունեցած խոր հարգանքի եւ քաղաքացիական խիզախումի, արդարության, ազատության եւ մարդկային արժանապատվության արժեքների հանդեպ նվիրումի եւ գրական վաստակի համար։
«Գրիգոր Նարեկացի» հուշամեդալը Յաշար Քեմալին է հանձնվելու 2013թ. սեպտեմբերի 4-ին Ստամբուլում։ Միջոցառմանը մասնակցելու են ՀՀ մշակույթի նախարարության ներկայացուցիչ Սեյրանուհի Գեղամյանը, ՀՀ ազգային ժողովի պատգամավոր Արագած Ախոյանը եւ Արեւմտահայերի Ազգային Համագումարի ներկայացուցիչները։
Յաշար Քեմալին «Գրիգոր Նարեկացի» հուշամեդալ շնորհելու որոշումը կայացվել է Արեւմտահայոց ազգային համագումարի առաջարկով։
Յաշար Քեմալն այն գործիչն է, ում ջանքերի շնորհիվ 1951 թ. կասեցվեց Աղթամարի հայկական Սուրբ Խաչ եկեղեցու ոչնչացման թուրքական իշխանությունների ծրագիրը։
Leave a Reply