Դիարբեքիր նահանգի Սուրի քաղաքապետ Աբդուլլահ Դեմիրբաշը, ով հայտնի է իր պրոհայկական գործունեությամբ, հայտարարել է, թե Թուրքիայի արևելքում և հարավ-արևելքում ցեղասպանության ենթարկված հայերի, ասորիների, քաղդեացիների, քրդերի, եզդիների, մահմեդականների և հրեաների հիշատակին Դիարբեքիրում կկառուցվի «Համատեղ ցավերի» հուշարձան:
Թուրքական «Միլլիյեթ» պարբերականի հաղորդմամբ` սույն որոշման կապակցությամբ Սուրի քաղաքապետը նշել է. «Բոլորս, մեր ցավերի առումով մրցակցելու փոխարեն, պետք է դրանք մեկտեղելով` ձգտենք վերջ տալ այդ ցավերին: Այդ պատճառով էլ մենք կառուցեցինք մի համատեղ խղճի հուշարձան: Այն կլինի մեր անցյալի հետ առերեսման պատկերը: Սրանով նպատակ ունենք Դիարբեքիրը ներկայացնել որպես ժողովուրդների և հավատքների պարտեզ»:
Akunq.net
Leave a Reply