Անիի ավերակները` Թուրքիայի զբոսաշրջության եկամտի աղբյուր

Թուրքիայի տարածքում գտնվող հայոց պատմական մայրաքաղաք Անիի ավերակները ավելացնում են թուրքերի` տուրիզմից ստացվող եկամուտները:  

Թուրքիայի մշակույթի և զբոսաշրջության նախարարության Կարսի նահանգային կառույցի ղեկավար Հաքան Դողանայը «Անադոլու» լրատվական գործակալությանը հայտնել է, որ 2012 թվականին Անիի ավերակներն ունեցել են տոմսերով 43.657 այցելու: Իսկ 2011-ին այդ ցուցանիշը եղել է 23.400: Զբոսաշրջիկների 30 տոկոսը օտարերկրացիներ են, 70 տոկոսը` տեղացիներ:

Թուրք պաշտոնյան տեղեկացրել է, որ այս տարի նպատակադրվել են գերազանցել նախորդ տարվա ցուցանիշը: Նա նաև նշել է, որ Անիի ավերակներում պահպանված կա 21 պատմամշակութային կոթող, և եթե ավելի խորացվի Անիի ուսումնասիրությունը, ավելի շատ պեղումներ արվեն, զբոսաշրջությունն էլ ավելի կզարգանա ողջ հարակից շրջաններում:

http://ermenihaber.am/?lang_id=2&news_=7&cur_news=722

Լուսանկարը` Akunq.net-ի