Ֆրանսիական ամսագիրն անդրադարձել է Փամուքի` Հայոց ցեղասպանության մասին խոսքերին

Ֆրանսիայում լույս տեսնող նշանավոր գրական «Le Magazine Litteraire» ամսագիրը՝ օտարալեզու գրող  հեղինակների օգոստոս ամսվա համարում ընդգրկել է նաև թուրք գրող Օրհան Փամուքին:

Ամսագրում Փամուկի վերաբերյալ հինգ տարբեր գրողների գրախոսություններ կան: Թուրքական «Աքշամ» թերթի վկայակոչմամբ՝ բացի թուրք հեղինակից ընդգրկվել են նաև Ալիսե Մունրոն, Արնալդուր Ինդրիդասոնը, Էնրիքե Վիլա-Մաթասը, Ջոհն Իրվինգը, Լաուրա Կասիսչքեն, Լիդի Յորքը, Ռիչարդ Փաուերը և Զադիե Սմիթը:

Օրհան Փամուքի մասին «Le Magazine Litteraire»  մեջբերում է  2005 թվականին թուրք գրողի կողմից արտաբերված  հայտնի խոսքերը. «1 միլիոն հայեր և 30.000 քրդեր են կոտորվել, սակայն ինձանից բացի ոչ մեկ սրա մասին չի բարձրաձայնում»:

Ըստ ամսագրի՝ վերոնշյալ մտքերի համար  ժամանակին  Փամուքին  3  տարի ազատազրկման վտանգ է սպառնացել:

http://ermenihaber.am/?lang_id=2&news_=5&cur_news=263