Էրդողանը շահեց Բահչելիի դեմ դատը

Թուրքիայի վարչապետ Թայիփ Էրդողանը շահել է դատն ընդդիմադիր Ազգայնական շարժում կուսակցության ղեկավար Դևլեթ Բահչելիի դեմ, տեղեկացնում են թուրքական աղբյուրները։

Ազգայնամոլական քաղաքական ուժի ղեկավարը ստիպված կլինի իսլամամետ իշխող կուսակցության ղեկավարին վճարել 44,5 հազար թուրքական լիրա (շուրջ 25 հազար ամերիկյան դոլար)։
Դատարանը մեղավոր է ճանաչել Բահչելիին լրատվամիջոցներում Էրդողանին զանգվածային վիրավորանք հասցնելու համար և պարտադրել նրան փոխհատուցում վճարել իր քաղաքական հակառակորդին։
Նշենք, որ Էրդողանը հաճախակի է դատի տալիս իրեն քննադատող քաղաքական գործիչներին, լրագրողներին և թերթերին՝ հիմնականում շահելով դատերը։

http://haynews.am/hy/1376041460