Ռուսաստանը, հնարավոր է, արգելի իր զբոսաշրջիկների այցերը Թուրքիա

Թուրքիայում ռուսաստանցիների թունավորման վերջին դեպքերը մտահոգել են «Ռոսպոտրեբնադզոռին»՝ Ռուսաստանի սպառողական վերահսկման կառույցին, հայտնում է «ՌԻԱ Նովոստին»:

Վիճակի վատթարացման դեպքում կառույցը պատրաստ է բարձրացնել ռուսաստանցիների մուտքը Թուրքիա արգելելու հարցը:
Անցած շաբաթ Թուրքիայի տարբեր հանգստավայրերում տասնյակ ռուսաստանցի զբոսաշրջիկներ էին թունավորվել:

Կառույցը հիշել է 2010-ից ի վեր Թուրքիայում ՌԴ քաղաքացի զբոսաշրջիկների թունավորման բազմաթիվ դեպքերը և այն, որ արդեն 2 տարուց ավելի է` Թուրքիայի Առողջապահության նախարարությունը ձգձգում է ստորագրել ինֆեկցիոն հիվանդությունների դեմ պայքարի մասին «Ռոսպոտրեբնադզորի» առաջարկած փաստաթուղթը:

http://www.tert.am/am/news/2013/08/07/no-rus-turks/