Հայկական հարցի մասնագետը Թուրքիայում ցամաքային ուժերի հրամանատար է նշանակվել

Թուրքիայում ցամաքային ուժերի հրամանատար նշանակված գեներալը Հայկական հարցի մասնագետ է։ Գեներալ Աքարի դոկտորական ատենախոսության թեման եղել է Հայաստանը և ԱՄՆ-ի հայկական լոբբիի ազդեցությունը թուրք-ամերիկյան հարաբերությունների վրա։

Ինչպես տեղեկացնում է թուրքական Sabah-ը, նրա նշանակումն այդ պաշտոնին անսպասելի է եղել։ Գեներալ Հուլուսի Աքարը «դոկտորի» գիտական աստիճան ունի։

Գեներալ-մայոր եղած տարիներին Աքարը Բողազիչի համալսարանում դոկտորական ատենախոսություն է պաշտպանել, որի թեման եղել է Հայկական հարցը և ԱՄՆ-ի հայկական լոբբիի ազդեցությունը թուրք-ամերիկյան հարաբերությունների վրա։

Sabah-ը նշում է, որ գեներալ Աքարը, ըստ շրջանառվող տեղեկությունների, 2015թ. նշանակվելու է Թուրքիայի Զինված ուժերի գլխավոր շտաբի պետ։

http://www.tert.am/am/news/2013/08/07/gen-akar/