Թուրքիայի Թեքիրդաղ նահանգի Մալքարայի շրջանում հայկական գերեզմանատան տեղում կառուցվող ռեստորանի հարցն անհանգստացրել է մի շարք թուրքական հասարակական կազմակերպություններին։
Թուրքական Sabah-ի փոխանցմամբ՝ Մալքարայի հայկական Սուրբ Թորոս կիսավեր եկեղեցուց ոչ մեծ հեռավորության վրա գտնվող հայկական ավերված գերեզմանատան տարածքում ռեստորանի կառուցումն անհանգստացրել է ոչ միայն Ստամբուլի հայ համայնքին, այլեւ թուրքական մի շարք ՀԿ-ների։
Թուրքական Mazlum-der իրավապաշտպան ՀԿ-ի կազմած զեկույցում նշվել է, որ հայկական գերեզմանատան տարածքում բաց վիճակում կան մահացածների ոսկորներ, որոնք ռեստորանի շինարարության աշխատակիցները հավաքում եւ նետում են աղբը։
Լրագրող Ումիթ Բայզօղլուն ի հերթին նշել է, թե Մալքարայի հայ համայնքից այսօր միայն կիսավեր Սուրբ Թորոս եկեղեցին եւ գերեզմանատունն են մնացել, որոնք էլ ոչնչացման եզրին են։
Կառուցվող ռեստորանի վարձակալԴեմրալի Փալան նշել է, թե ինքն օրինական է անում ամեն ինչ եւ այդ տարածքը վարձակալությամբ վերցրել է քաղաքապետարանից՝ ռեստորան կառուցելու թույլտվությամբ։
Leave a Reply