Թուրք պատգամավորն Էրդողանից բացատրություն է պահանջել «ազգության կոդերի» վերաբերյալ

Թուրք պատգամավոր, ընդդիմադիր Ժողովրդահանրապետական կուսակցության ներկայացուցիչ Սեզգին Թանրըքուլուն հարցապնդում է ներկայացրել Թուրքիայի վարչապետ Ռեջեփ Թայիփ Էրդողանին՝ պաշտոնական տեղեկություն պահանջելով «ազգությունը կոդավորելու» առնչությամբ, տեղեկացնում է Hyetert-ը։

Ավելի վաղ տեղեկություն էր տարածվել, որ Թուրքիայում բնակվող հույների գաղտնի կոդը 1-ն, է, հայերինը՝ 2-ը, իսկ հրեաներինը՝ 3-ը։

«Այդ կոդերը մինչև հիմա ինչո՞ւ են գաղտնի պահվել։ Փոքրամասնության ներկայացուցիչների հավատքի և ազգության մասին տեղեկությունները գրանցվե՞լ են։ Դրանք միայն Կրթության նախարարության կողմի՞ց են օգտագործվում, թե՞ բոլոր գործընթացներում՝ ոստիկանությունում, դատարաններում, հետախուզության մեջ, կադաստրային բաժիններում և այլուր»,-հարցրել է պատգամավորը։

http://www.tert.am/am/news/2013/08/05/erdogan-code/