«Էրգենեկոնի»՝ պետական հեղաշրջում իրականացնելու փորձի հնչեղ գործով վերջին դատական նիստը փակ կանցկացվի, որը տեղի կունենա օգոստոսի 5-ին: Այս մասին լրագրողներին է հայտնել Ստամբուլի նահանգապետ Հուսեյն Ավնի Մութլուն: Նա նաև հայտնել է, որ դատարանի շենքի դիմաց ցույց կազմակերպելու ցանկացած փորձ անօրինական կհամարվի, տեղեկացնում է РИА Новости-ն:
«Էրգենեկոնը» Թուրքիայում գործող գաղտնի ծայրահեղ ազգայնական կազմակերպություն է, որը մեղադրվում է 2003-ին Թուրքիայում պետական հեղափոխություն իրականացնելու փորձի համար: «Էրգենեկոնի» գործով անցնում է 400 մարդ, որոնց թվում՝ քաղաքական և հասարակական գործիչներ, լրագրողներ, փաստաբաններ, դասախոսներ, զինծառայողներ և ոստիկաններ:
Նրանց նկատմամբ հարուցված դատական գործն ընթանում է 2007-ից Ստամբուլում:
Leave a Reply