Թուրքիայի արտաքին գործերի նախարարությունն անդրադարձել է հուլիսի 31-ին հայ-թուրքական սահմանին գրանցված դեպքին. ՀՀ պետական սահմանը հսկող Ռուսաստանի ԱԴԾ սահմանապահ ուժերը կրակ էին արձակել սահմանը խախտած հովիվի վրա, ով ստացված վնասվածքներից մահացել էր, իսկ նախօրեին նրա դին հանձնվել էր թուրքական կողմին։
Այս դեպքը մեծ աղմուկ է բարձրացրել Թուրքիայում, իսկ այդ երկրի ԱԳՆ-ն արդեն պաշտոնական հայտարարություն է տարածել։
«Մենք խիստ դատապարտում են սահմանը պատահականորեն խախտելու պատճառով արձակված կրակից անմեղ Թուրքիայի քաղաքացու սպանությունը և նախատեսում ենք համապատասխան դիվանագիտական քայլեր ձեռնարկել»,-նշված է հայտարարությունում։
Թուրքական արտգործնախարարությունը նաև նշել է, թե «Հարավային Կովկասում խաղաղության և կայունության համար Հայաստանը պետք է ցուցաբերի հարևանների հետ հարաբերություններում ավելի խելամիտ մոտեցում»։
Նշենք, որ հայ-թուրքական սահմանի այս հատվածը հսկվում է ՌԴ ԱԴԾ սահմանապահ ուժերի կողմից։
Leave a Reply