Ստամբուլի 3-րդ կամուրջին տրվել է ալեւիների ամենամեծ կոտորածը կազմակերպած սուլթանի անունը

Ստամբուլի երկու հատվածները միմյանց միացնող 3-րդ կամուրջի հիմնարկեքի ժամանակ Թուրքիայի նախագահ Աբդուլլահ Գյուլը հայտնել է նոր կամուրջի անունը։

Թուրքական Milliyet-ի փոխանցմամբ՝ Ստամբուլի 3-րդ կամուրջի հիմնարկեքի ժամանակ Թուրքիայի նախագահ Աբդուլլահ Գյուլը հայտնել է, որ նոր կամուրջը կկրի սուլթան Սելիմ Ահեղի (թուրք.` Յավուզ) անունը։

Իր հերթին վարչապետ Ռեջեփ Թայիփ Էրդողանը նշել է, թե կամուրջի շինարարությունը ավարտին է հասցվելու մինչեւ 2015-ի մայիսի 29-ը (1453 մայիսի 29-ին օսմանցիները գրավել են Կոնստանդնուպոլիսը-խմբ)։

Թուրքիայի ալեւիների շրջանում կամրջի այս անվանումը բողոքի ալիք է բարձրացրել, քանի որ սուլթան Սելիմ Ահեղը համարվում է ալեւիներին ամենամեծ կոտորածի ենթարկած սուլթանը։

http://news.am/arm/news/155630.html