Մի խումբ թուրք մտավորականներ “Սևան Նիշանյանը միայնակ չէ” վերնագրով հրապարակությամբ են հանդես եկել, որտեղ իրենց բողոքն են արտահայտել պոլսահայ գրող, լրագրող Սևան Նիշանյանին 13.5 ամսով ազատազրկելու դատարանի որոշման դեմ:
Ինչպես հաղորդում է «Հայթերթը», այդ հրապարակումը ստորագրողների թվում է նաև թուրք հայտնի իրավապաշտպան, հրատարակիչ ու լրագրող Ռագըֆ Զարաքօլուն:
“Մենք բողոքում են Սևան Նիշանյանին իսլամի առավելությունը իսլամիստների նման չմեկնաբանելու համար 13.5 ամսվա ազատազրկման դատապարտելու որոշման դեմ: Դա ցույց է տալիս, որ սուննի իսլամը պետական մակարդակով անհանդուրժողական է”,- ասված է մտավորականների տարածած հաղորդագրության մեջ:
Հիշեցնենք, որ պոլսահայ գրող Սևան Նիշանյանը 13.5 ամսվա ազատազրկման է դատապարտվել Մուհամեդ մարգարեին վիրավորելու համար: Նման դատավճիռը դրամական տույժով փոխարինվել չի կարող: Նրա դեմ գործ էր հարուցվել «ժողովրդի մի մասի կրոնական արժեքները վիրավորելու» մեղադրանքով:
Leave a Reply