Քրդական Խաղաղություն և ժողովրդավարություն կուսակցության` Ստամբուլից ընտրված պատգամավոր Սըրը Սյուրեյա Օնդերը «Հաբերթյուրք» հեռուստաալիքով հեռարձակվող «Դեմ առ դեմ» հաղորդմանը բարձրացրել է Ստամբուլում գտնվող Դիվան հյուրանոցի կառուցումից առաջ տվյալ վայրում եղած հայկական գերեզմանատան քարերի հարցը:
Այդ մասին հաղորդում է Akunq.net-ը` հղում անելով թուրքական լրատվամիջոցներին: Աղբյուրի համաձայն` պատգամավորը պնդել է, թե հայկական գերեզմանոցից տեղաշարժված մարմարե գերեզմանաքարերը Թաքսիմ հրապարակի զբոսայգու կառուցման ժամանակ օգտագործվել են այգու ճանապարհների համար:
Սըրը Սյուրեյա Օնդերը նշելով, որ Ստամբուլի Բեյօղլու և Թաքսիմ շրջաններն այն ժամանակ լիուլի են եղել գերեզմաններով, նաև շեշտել է, թե «Քոչ» ընկերությունն, ի նշան հայ հանգուցյալների և ներկայում ապրող վերջիններիս զավակների հարգանքի, իրականում պետք է մի փոքրիկ սյուն տեղադրի հյուրանոցի այգում:
Akunq.net
Leave a Reply