Ներկայիս Թուրքիայի հարավարևելյան շրջանի Հասանքեյֆ բնակավայրում գտնվող 1500-ամյա հայկական եկեղեցին կարող է մնալ Տիգրիս գետի վրա կառուցվող ջրամբարի ջրերի տակ:
Թուրքական իշխանությունները շարունակում են Ըլըսու անունը կրող ջրամբարի շինարարությունը Տիգրիս գետի վրա:
Շինարարության վայրում է գտնվում նաև 1500 տարվա պատմություն ունեցող Սուրբ Գևորգ վանական համալիրը:
Այս պատճառով էլ հայկական եկեղեցին ընդգրկվել է «Եվրոպա Նոստրա» կազմակերպության հատուկ ծրագրի մեջ:
Ծրագրով նախատեսվում է կազմել «ամենամեծ վտանգի տակ գտնվող 7 մշակութային արժեքների» ցուցակը: 21 երկրներից ներկայացված 40 թեկնածուների մեջ հայկական եկեղեցին արդեն մտել է առաջին 14-յակի մեջ:
Նշենք, որ Ըլըսուի ջրամբարի կառուցման ավարտից հետո պատմական Հասանքեյֆ քաղաքը, որը հազարավոր տարիներ բնակեցված է եղել հայերով, կանցնի ջրի տակ:
Ներկայում հիմնականում քրդաբնակ բնակավայրի բնակիչները ստիպված են լինելու լքել իրենց տները:
Leave a Reply