Էրդողանն ընդդիմության առաջնորդին դատի է տվել՝ իրեն Ասադի հետ համեմատելու համար

Թուրքիայի վարչապետ Ռեջեփ Թայիփ Էրդողանը երկրի գլխավոր ընդդիմադիր Ժողովրդահանրապետական կուսակացության նախագահ Քեմալ Քըլըչդարօղլուին դատի է տվել՝ իրեն Սիրիայի նախագահ Բաշար ալ Ասադի հետ համեմատելու համար, հաղորդում է թուրքական Anadolu գործակալութունը:

Էրդողանը Քըլըչդարօղլուի դեմ հայցում թուրքական 1 մլն լիրա է պահանջում՝ որպես բարոյական վնասի փոխհատուցում:

Վարչապետի փաստաբանները դատարան են դիմել այն բանից հետո, երբ Քըլըչդարօղլուն ասել էր, որ Էրդողանը մեղավոր է Ռեյհանլիի ահաբեկչություններում 51 մարդու մահվան համար և քիչ է տարբերվում Ասադից: Բացի այդ՝ ընդդիմության առաջնորդը նշել էր, որ Էրդողանը, ինչպես Ասադը, հակաժողովրդավարական քաղաքականություն է վարում:

http://civilnet.am