ԱՄՆ Պետդեպի զեկույցը` Թուրքիայի կրոնական ազատությունների վերաբերյալ

ԱՄՆ պետդեպարտամենտը հրապարակել է կրոնական ազատության վերաբերյալ ամենամյա զեկույցը: Զեկույցում տեղ են գտել 2012 թվականի տվյալները ու փաստերը: Զեկույցում պետություններն ուսումնասիրվել են առանձին-առանձին:

Թուրքիան նույնպես տեղ է գտել զեկույցում:

Հեղինակները նշում են, որ Թուրքիայի սահմանադրությունը, այլ օրենքները, քաղաքականությունը ընդհանուր առմամբ պաշտպանում են կրոնական ազատությունները, թեև կան որոշ օրենքներ, կանոններ և սահմանադրական կետեր, որոնք սահմանափակում են կրոնական ազատությունը:

Թուրքիայում եղել են կրոնական ազատության դեմ ոտնձգության դեպքեր: Նման մեկ դեպքի ժամանակ մարդ է կալանավորվել:

Թուրքական կառավարությունն այս տարվա ընթացքում էապես չի փոխել իր վերաբերմունքը: Այն կրոնական խմբերը (հայերն, հույներ, հրեաներ, ասորիներ), ովքեր դեռ Օսմանյան կայսրության կողմից պաշտոնական կարգավիճակ ունեին, ազատ են իրենց կրոնը դավանելու հարցում:

Հասարակության շրջանում կրոնական փոքրամասնությունները ենթարկվել են սպառնալիքների, այլատյացության, բռնության դեպքերի: Այն մուսուլմանները, ովքեր ցանկացել են փոխել կրոնը, բռնության են եթնարկվել:

Զեկույցում նշվում է, որ 2011 թվականի դրությամբ Թուրքիայի բնակչությունը 74,9 մլն մարդ է, որից 99 տոկոսը մուսուլման է, մեծամասամբ հանաֆիական ուղղության սուննիներ:

Գիտական հաշվարկներով Թուրքիայում բնակվում է 15-ից 20 մլն ալևիներ: Ալևիների կազմակերպություններն այդ թիվը համարում են 20-25 մլն մարդ: Շիաների թվիը կազմում է մոտ կես միլիոն մարդ:

Ոչ մուսուլմանները կազմում են Թուրքիայի բնակչությամբ 1 տոկոսից պակասը: Հայ առաքելական եկեղեցու հետևորդների թիվը կազմում է 90 հազար մարդ, ընդ որում պետդեպի զեկույցում մանրամասնվում է, որ նրանցից 60 հազարը Թուրքիայի քաղաքացիներ են, իսկ 30 հազարը` ներգաղթյալներ Հայաստանից:

Նշվում է, որ վերջին տարիներին Թուրքիայում զգալի ավելացել է կաթոլիկ համայնքի թիվը, ինչը կապված է Ֆիլիպիններից և մի շարք աֆրիկյան երկրներից կաթոլիկների ներգաղթով: Ավելացել է նաև ռուս ուղղափառների թիվը, ինչը նույնպես կապված է ռուսների` Թուրքիա ներգաղթի աճի հետ:

Թուրքիայի կրոնական փոքրամասնությունների թիվը` ըստ զեկույցի.

ալևի – 15-25 մլն մարդ

շիա – 500 հազար

հայ առաքելական – 90 հազար

կաթոլիկ – 25 հազար

հրեա – 22 հազար

ասորի – 20 հազար

ռուս ուղղափառ – 15 հազար

բահայի – 10 հազար

բողոքականներ – 7 հազար

եզդի – 5 հազար

Եհովայի վկա – 5 հազար

քալդի – 3 հազար

հույն ուղղափառ – 2,5 հազար

Զեկույցն առավել մանրամասն` այստեղ:

Հեղինակ` Գևորգ Պետրոսյան, «Թուրքագիտական պորտալ»

allTurkey.am