Թուրքիայի քրդերը լավատեսական են տրամադրված թուրք-քրդական հակամարտության կարգավորման գործընթացի հարցում

Թուրքիայում գործող Միջազգային մշակութային հետազոտությունների կենտրոնը (UKAM) հարցում է անցկացրել երկրի քրդաբնակ շրջաններում` որոշելու, թե ինչպես են բնակիչներն արձագանքում թուրք-քրդական խնդրի լուծման գործընթացին:

Հարցումն անցկացվել է հիմնականում քրդերով բնակեցված Թուրքիայի 13 նահանգում: Հարցմանը մասնակցել է 2985 մարդ, որոնց տարիքը 18-ից բարձր է եղել:

Հարցման մասնակիցների 83 տոկոսը «լավատեսական» է տրամադրված խնդրի լուծման հարցում:

Հարցվածների 88,3 տոկոսը խնդրի կարգավորման ճանապարհին որպես խոչընդոտ է տեսնում քեմալիստական Ժողովրդահանրապետական, 94,4 տոկոսը` Ազգայնական շարժում կուսակցություններին:

Բնակիչները նշել են, որ խնդրի կարգավորման գլխավոր դերակատարը քուրդ առաջնորդ, PKK-ի հիմնադիր Աբդուլլահ Օջալանն է:

Հարցվածների մեծամասնության կարծիքով խաղաղության ճանապարհին կարևոր է մայր լեզովով ուսուցման թույլտվությունը, նոր սահմանադրությունն ու հավասար քաղաքացիության ապահովումը:

http://haynews.am/hy/1369244579