Ապրիլի 25-ին Կոլումբիա համալսարանի «Իտալական ակադեմիան» լեփ-լեցուն էր` Ցեղասպանության տարելիցի շրջանակներում մեծարելու Օսմանյան կայսրությունում ստեղծագործած հայ երգահաններին, տեղեկացնում է ՀԲԸՄ-ի կենտրոնական գրասենյակից ստացված հաղորդագրությունը: ՀԲԸՄ-ի կատարողական արվեստի բաժնի կազմակերպությամբ անցկացվող միջոցառման ընթացքում նյույորքաբնակ հանդիսատեսը ծանոթացել է այդ ժամանակաշրջանի հայ կոմպոզիտորների հազվադեպ լսված ստեղծագործություններին: Միջոցառման հովանավորողների թվում են եղել նաեւ Կոլումբիա համալսարանի հայկական ընկերությունը, Հայկական կենտրոնը, ինչպես նաեւ ՀԲԸՄ-ի համալսարանական ծառայությունների կենտրոնը: Գեղարվեստական ղեկավարն ու հանդիսավարն է եղել դոկտ. Հայկ Արսենյանը` կատարողական արվեստի բաժնի տնօրենը, որ խոսել է հայ երաժիշտների թողած ժառանգության մասին: Երեկոյի ընթացքում ներկաները ըմբոշխնել են Կոմիտասի, Ալեմշահի, Էլմասի, Կանաչյանի, Մանասի, Սինանյանի եւ Չուխաճյանի ստեղծագործությունները:
http://azg.am/AM/2013052222
Leave a Reply