Դիարբեքիրում քրդերենով դասավանդող առաջին բուհը կբացեն. հետագայում կլինի նաև հայերեն

Դիարբեքիրում պատրաստվում են եռալեզու համալսարան բացել, որը Թուրքիայում առաջին անգամ քրդերենով դասավանդող բուհ կլինի:

Համալսարանը սկզբնական շրջանում դասավանդելու է քրդերենով, թուրքերենով և անգլերենով: Հետագայում նախատեսվում է ավելացնել նաև հայերեն և ասորերեն ուսուցում:

Համալսարանի ստեղծման աշխատանքները նախաձեռնել է «Մեսոպոտամիա» («Միջագետք») հիմնադրամը:

Նախագծի վրա աշխատում են շուրջ 300 գիտնականներ, ակտիվիստներ, գործարարներ, հասարական գործիչներ:

Համալսարանը նախատեսվում է բացել 2016 թվականին: Ենթադրվում է, որ այն կոչվելու է «Մեսոպոտամիա», սակայն վերջնական անունը դեռ որոշված չէ:

«Մեր գլխավոր նպատակն է տարբեր լեզուներով և տարբեր մշակույթներով կրթություն ապահովել: Կարևորելու ենք նաև քրդերենի ակադեմիական ուսումնասիրությունը»,-նշել է «Մեսոպոտամիա» («Միջագետք») հիմնադրամի ղեկավար Ռամազան Թունչը:

allTurkey.am