Թուրքական «Anadolu» գործակալությունը նպատակ ունի ներկայացուցչություն բացել քրդաբնակ Էրբիլում, որը լուրեր կփոխանցի քրդերեն քուրմանջի և սորանի բարբառներով: Այս մասին հաղորդել է գործակալության տնօրենների խորհրդի ներկայացուցիչ, գլխավոր նախագահ Քեմալ Օզթյուրքը Էրբիլում Հյուսիսային Իրաքի քրդական ինքնավարության վարչապետ Նեչիրվան Բարզանիի հետ հանդիպման ժամանակ: Օզթյուրքը Բարզանիին պատմել է Թուրքիայի առաջատար լրատվական գործակալության գործունեության մասին և նշել, որ իրենք լուրեր են հաղորդում 5 տարբեր լեզուներով, որոնց թվին շուտով կավելանա նաև քրդերենը:
Օզթյուրքը ընդգծել է, որ քրդերենով լրատվական ծառայության աշխատակիցների վերապատրաստումից հետո արդեն սեպտեմբեր ամսից ընթերցողները գործակալության կայքում լրահոսին կարող են հետևել նաև քրդերենով: Նեչիրվան Բարզանին էլ իր գոհունակությունն է հայտնել նման առաջարկի համար և նշել, որ այս քայլը կնպաստի երկկողմ հարաբերությունների ամրապնդմանը, ինչպես նաև այս համագործակցության շնորհիվ աշխարհը ստույգ տեղեկություն կստանա տարածաշրջանում տեղի ունեցող գործընթացների մասին:
Թուրքական «Anadolu» գործակալությունը շուտով լուրեր կհրապարակի նաև քրդերենով
•
Վերջին Յաւելումներ
- Քոնկրեսի շէնքին մէջ Ցեղասպանութեան ոգեկոչումը տեղի պիտի ունենայ 15 ապրիլին
- Թուրքիան աշխարհում ամենաշատ զենք ունեցող երկրների 10-յակում է
- Հայ դատի 60-ամեակ — բացառիկ հատորի մը հրատարակութեան առիթով
Leave a Reply