Թուրքական «Այքըրըդողրուլար» կայքում տեղ է գտել Մեհմեթ Ալի Բոզքուրթի հոդվածը, որում պատմվում է հայերի նկատմամբ Թուրքիայի առաջին նախագահ Մուսթաֆա Քեմալ Աթաթուրքի գործադրած ճնշումների մասին:
«Աթաթուրքն արգելել է հայությունը». նման վերնագիր է ստացել Մեհմեթ Ալի Բոզքուրթի հոդվածը:
«Գյուղից քաղաք գաղթը սկսվել է 60-ական թվականներին: 1963 թվականին Հասսա շրջանում մի ընտանիքի հանդիպեցի, որը Մարդինից գաղթում էր Անթաքիա: Ընտանիքը կազմված էր տարեց ու երիտասարդ կանանցից և երկու երեխաներից` աղջիկ և տղա:
Տղա երեխան ինձ ասաց, որ հայ են, սակայն տարեց կինն անմիջապես սաստեց` «Այդպես այլևս չասես: Մենք հայ չենք, թուրք ենք: Աթաթուրքն արգելել է հայ լինել»,-իր հոդվածում գրում է հեղինակը:
«Ավելի վաղ նույնպես սարսափելի դեպքեր են տեղի ունեցել: Օրինակ, հայտնի էր այն դեպքը, երբ կոտորածի (Հայոց ցեղասպանության-Ակունքի խմբ.) տարիներին մի հայ կին իր փոքրիկի հետ ապաստան է գտնում գյուղի աղայի տանը և ծառա դառնում նրան:
1920-ականներին Աթաթուրքը մի օրենք է հանում, որով հայերին օգնություն տրամադրելը քրեական հանցանք է որակվում: Այդ ժամանակ էլ աղան հայ կնոջն ու փոքրիկին տանում է սարը, սպանում և թաղում նրանց:
Հարևան գյուղում էլ հենց նույն ժամանակ կտրում են ջարդերից փրկված մի հայի ձեռքերն ու այդպես ծեծում մինչ նա մահանա»,-գրում է Բոզքուրթը:
http://haynews.am/hy/1369161597
Leave a Reply