«ԱՄՆ կատարած այցը Հայոց ցեղասպանությունը ճանաչելու առիթ է Էրդողանի համար»

ԱՄՆ Կոնգրեսի Ներկայացուցիչների պալատի արտաքին հարաբերությունների հանձնաժողովի դեմոկրատ անդամ Դեյվիդ Սիսիլինը, դիմելով ԱՄՆ այցելած Թուրքիայի վարչապետ Էրդողանին, Հայոց ցեղասպանությունը պաշտոնապես ճանաչելու եւ ներողություն խնդրելու կոչ է արել:

Այդ մասին մայիսի 17-ի համարում նշել էր Նյու Յորքի Turkishny էլեկտրոնային թերթը եւ ավելացրել. «1915-ի առնչությամբ հայկական թեզը պաշտպանող կոնգրեսականն արտահայտվեց «2 միլիոն հայի» ոչնչացման մասին եւ թուրքական կառավարությանը մեղադրեց «ճշմարտությունն ուրանալու մեջ»: Հակաթուրքական ելույթում Սիսիլինը անդրադարձավ վարչապետ Էրդողանի` Մ. Նահանգներ այցելությանը, նշեց, որ Մերձավոր Արեւելքում Թուրքիայի դիրքերն ամրապնդելու եւ ԱՄՆ-ի հետ հարաբերությունները զարգացնելու նպատակով Վաշինգտոն ժամանած Էրդողանի համար այդ այցը ցեղասպանությունը ճանաչելու, ինչպես նաեւ հայերից ներողություն խնդրելու պատեհ առիթ է»:

Հ. Չ.

http://azg.am/AM/2013052103