Թուրքիայում Դինքի սպանության գործով վճռաբեկ դատարանի նիստից ժամեր առաջ Էրհան Թունջելը, ով Դինքի սպանության գործում ներգրավված էր որպես կասկածյալ եւ դատարանի որոշմամբ արադարացվեց, Twitter-ի իր էջում սպառնալից տողեր է գրել դատավորների հասցեին։
Թուրքական Vatan-ի փոխանցմամբ՝ Էրհան Թունջելը Դինքի սպանության գործով վճռաբեկ դատարանի նիստից առաջ Twitter-ի իր էջում սպառնացել էր «արդար» հաշվեհարդար տեսնել դատարանի կայացրած որոշումն այլ ուղղությամբ տանողների հետ։
Նշենք, որ վճռաբեկը բեկանել է դատարանի Դինքի սպանության գործով վճիռը եւ նախկին կասկածյալները կրկին կանգնելու են դատարանի առաջ։
Հիշեցնենք, որ 2012-ի հունվարի 17-ին թուրքական դատարանը Դինքի սպանության գործում Յասին Հայալին մեղավոր ճանաչեց սպանությունը ծրագրավորելու եւ կազմակերպելու մեղադրանքով եւ դատապարտեց ցմահ ազատազրկման։ Սպանության ուղղորդողներից Էրհան Թունջելը Դինքի սպանության գործով անմեղ ճանաչվեց եւ դատապարտվեց 10 տարի 6 ամիս պատժաչափի՝ Mc Donald’s-ի պայթյունի համար։ Սակայն դատարանը նրան ազատ արձակման որոշում է կայացրել` հաշվի առնելով, որ նա այսքան ժամանակ գտնվել է կալանքի տակ: Համապատասխան գործընթացից հետո Էրհան Թունջելը ազատ է արձակվել:
Leave a Reply