Թուրքիայում շարունակվում են հրապարակվել առանց Հայաստանի աշխարհագրական քարտեզներ

Այդ քարտեզներում Հայաստան պետություն ընդհանրապես գոյություն չունի, իսկ տարածքը Թուրքիայինն է:

Թուրքական հեղինակավոր մամուլը համառ պարբերականությամբ շարունակում է իր տարածաշրջանային քաղաքականության վերաբերյալ թեմաներով հոդվածներում տեղադրել քարտեզներ, ուր բացակայում է Հայաստանը:

Վերջերս նման մի քայլ էր կատարել Թուրքիայի իշխող կուսակցության հետ սերտ համագործակցող և իսլամիստական համարվող Timeturk.com կայքը:

Սակայն խնդիրն այն է, որ կայքի գլխավոր էջում հոդվածի վերնագրին ուղեկցում էր «առանց Հայաստանի քարտեզը», իսկ բուն հոդվածում տպագրված էր Haberturk-ի մեկնաբան Էջե Յուների նկարը:

Հասկանալի է, որ գլխավոր էջի սլայդ փոփոխականության նկարները չեն պահպանվում արխիվում և ինտերնետային փնտրող ծրագրերում:

Սա մանր թուրքական խորամանկություն է: Հրապարակված քարտեզից հստակ երևում է, որ թուրքական որոշ արկածախնդիրներ Հարավային Կովկասը տեսնում են առանց Հայաստանի:

http://www.armweeklynews.am/awn/m13/m_0249.htm