Թուրքիայում բուհերի ուսանողները ոտքի են կանգնել` բողոքելու պաշտոնական Անկարայի` Սիրիայի հարցով քաղաքականության, ինչպես նաև Ռեյհանլը քաղաքում ահաբեկչության դեմ:
Մասնավորապես, փողոցներ են դուրս եկել Անկարայի երեք համալսարանի ուսանողները: Ուսանողները հավաքվել են Մերձավոր Արևելքի տեխնիկական համալսարանի մուտքի մոտ, որից հետո նրանք փորձել են շարժվել Թուրքիայի արտաքին գործերի նախարարության շենքի ուղղությամբ:
Ոստիկանական ուժերը պատնեշ են կազմել և թույլ չեն տվել ուսանողներին մոտենալ Թուրքիայի ԱԳՆ-ի շենքին:
Ոստիկանները արցունքաբեր գազի և մահակների միջոցով են փորձել ցրել բողոքի ցույցը: Ակցիայի 20 մասնակից ձերբակալվել է:
Leave a Reply