Թուրքիայի ազգային կրթության նախարար Նաբի Ավջըն հայտարարել է, որ պատմության դասագրքերում փոփոխություններ են տեղի ունենալու: Նրա խոսքով` գործընթացն արդեն սկսվել է:
Ինչպես հաղորդում է «Ակօսը», Թուրքիայի կրթության նախարարն ասել է, որ պատմության դասագրքերից պետք է հեռացվեն այն նախադասությունները, որոնք միավորմանը ծառայելու փոխարեն հակառակ ազդեցությունն են ունենում և անջատողական դեր կատարում: Ավջըն հավելել է նաև, որ պատմության դասագրքերում իրենց անհանգստացնող շատ բան կա, ինչը պետք է փոխել:
Նա սակայն հրաժարվել է պատասխանել հարցին, թե կոնկրետ ինչ փոփոխություններ են տեղի ունենալու` նշելով, թե կիմանաք այն ժամանակ, երբ փոփոխությունները տեղի կունենան:
Թուրքիայի պատմության դասագրքերում հայերը, հույներն ու ասորիները հաճախ անվանվում են «դավաճան և անջատողական»:
Leave a Reply