Աբդուլլահ Օջալանի կոչով Թուրքիայից հեռանալ սկսած PKK-ի զինյալների առաջին խումբը մտել է Հյուսիսային Իրաք եւ հասել PKK-ի ճամբարներ։
Թուրքական Hürriyet-ի փոխանցմամբ՝ մայիսի 8-ից Թուրքիայից դուրս գալու գործընթացի արդյունքում քուրդ զինյալների առաջին խումբը մայիսի 13-ին հասել է Հյուսիսային Իրաքի Քանդիլի շրջանում տեղակայված PKK-ի ճամբարներ։
Առաջին խումբը կազմված է եղել 15 զինյալներից, որոնցից 6 կին են, 9-ը՝ տղամարդ։ Քուրդ զինյալները դուրս էին եկել Վանի լեռնային շրջաններից։
Fırat գործակալությունն իր հերթին տեղեկացնում է, որ Թուրքիայից դուրս եկած առաջին խմբին PKK-ի ճամբարներում դիմավորելու եւ նկարահանելու համար մի շարք արտասահմանյան, քրդական եւ թուրքական լրատվամիջոցների ներկայացուցիչներ են գտնվել Հյուսիսային Իրաքում։
http://news.am/arm/news/153363.html
Leave a Reply