Հայաստանում ԱՄՆ արտակարգ և լիազոր դեսպան Ջոն Հեֆերնը, Սինոփսիս Արմենա կենտրոնում պատասխանելով ուսանողների հարցերին, ասաց, որ հայ–թուրքական արձանագրությունների ձախողումը Թուրքիայի մեղքով էր:
«Հայաստանը 3-4 տարի է` ամեն ինչ անում է, մենք մտածում ենք` սա մեծ հաջողություն էր Հայաստանի համար: Երկու նախագահները խիզախություն ցուցաբերեցին ստորագրությունների հարցում, բայց Թուրքիայի կողմից դա չի վավերացվում, նրանք փորձում են դա կապել Ղարաբաղի հետ»,- ասաց դեսպանը:
Ջոն Հեֆերնը հիշեցրեց, որ հայ-թուրքական արձանագրությունների հարցում որևէ նախապայման չպետք է լիներ, սակայն, ըստ նրա, Թուրքիան մտափոխվեց և սկսեց Ղարաբաղի հացը կապել դրա հետ:
«Հայաստանը շատ լավ իրեն դրսևորեց, այս երեք տարիների ընթացքում ձեռքը պարզած էր, բայց թուրքերը քայլ չարեցին»,- ընդգծեց Ջոն Հեֆերնը:
Leave a Reply