«Ադրբեջանը ռազմաարդյունաբերական ոլորտում լուրջ նախագիծ չի իրականացրել»

Ադրբեջանը ռազմաարդյունաբերության ոլորտում որևէ էական նախագիծ չի իրականացրել: Անդրադառնալով Ադրբեջանի` այլ երկրների հետ ռազմական համագործակցության թեմային` լրագրողների հետ հանդիպման ժամանակ այս մասին նշեց թուրագետ Լևոն Հովսեփյանը:

«Վերջին տարիներին Ադրբեջանը իր ռազմական համագործակցության մեջ իրականացնում է բազմավեկտոր քաղաքականություն: Այս միտումը վերջին տարիներին գնալով խորանում է, ինչը պայմանավորված է Ադրբեջանի կողմից իր ռազական արդյունաբերության թվացյալ զարգացման ճիգերով: Ինչպես ադրբեջանական, այնպես էլ թուրքական մամուլը անընդհատ շեշտում է, որ այդ երկիրը ռազմաարդյունաբերական ոլորտում հաջողություններ են գրանցվում, սակայն, իրականում, այս ամենը պետք է դիտարկել զուտ քարոզչական հարթության մեջ: Եթե դիտարկենք հենց ադրբեջանական կողմի` սպառազինության ձեռք բերման վրա ծախսվող գումարների վերաբերյալ տեղեկությունները, երկրի ռազմական բյուջեն, ապա պետք է փաստել, որ առ այսօր Ադրբեջանը, ռազմաարդյունաբերության ոլորտում էական, խոշոր որևէ նախագագիծ չի իրականացրել»,- նշեց Լևոն Հովսեփյանը:

Բանախոսը նշեց, որ ադրբեջանական կողմը այս ոլորտում համարգործակցում է Ուկարինայի, Իսրայելի և, բնականաբար, իր հիմնական դաշնակցի` Թուրքիայի հետ, և որն ամենակարևորն է, այս համագործակցությունը, հիմնականում, սահմանափակվում է ռազմական տեխնիկայի ներկրմամբ:

«Եթե, օրինակ, դիտարկենք բավական գովազդվող թուրք-ադրբեջանական ռազմական համարգործակցությունը, ապա պետք է նշել, որ այստեղ ևս ռազմաարդյունաբերական էական որևէ նախագիծ չի իրականացվել»,- նշեց Լևոն Հովսեփյանը:

Ըստ թուրքագետի` պաշտոնական տվյալներով` թուրք-ադրբեջանական ռազմական համարգործակցությունը գումարային ծավալը 2011 թ կազմել է 30 մլն դոլար, իսկ 2012 թ. ավելի քիչ` 21 մլն դոլար:

«Պարզ է, որ ստրատեգիական համագործակցության համար սրանք այդքան էլ լուրջ թվեր չեն: Այս պահի դրությամբ Թուրքիան ընդամենը Ադրբեջանի համար ռազմական արտադրանքի մատակարար է»,- հավելեց Լ. Հովսեփյանը:

http://www.armtown.com/news/am/ays/20130513/2013051369/