Տրապիզոնի Սևծովյան տեխնիկական համալսարանի մանկավարժական ֆակուլտետի մի ուսանողի ծեծի են ենթարկել քրդերեն խոսելու համար: Ժողովրդավար ուսանողական միությունների ֆեդերացիայի անդամ հանդիսացող մի խումբ ուսանողներ բողոքի ցույց են կազմակարպել ռեկտորատի դիմաց՝ հնչեցնելով քրդերեն կարգախոսեր:
«Doğan» լրատվական գործակալությունը հաղորդում է, որ ձախ հայացքների տեր մի խումբ ուսանողներ ծեծել են մյուս ուսանողին միայն այն պատճառով, որ վերջինս ուսանողական հանրակացարանում հեռախոսով քրդերեն է խոսել: Այդ միջադեպի դեմ բողոքի դուրս եկած ուսանողների պաստառներին գրված են եղել՝ «Ուս ուսի` ընդդեմ ֆաշիզմի», «Ճնշումները չեն կարող մեզ սարսափեցնել», «Համալսարանում հարձակում գործող ավազակախմբեր չենք ուզում»: Ուսանողական մեկ այլ խումբ էլ քրդերեն բղավել է «Առանց լեզու կյանք չկա» արտահայտությունը՝ պահանջելով, որպեսզի մեղավորները հանձնվեն ոստիկանությանը:
Leave a Reply