Արևմտահայերենը` Թուրքիայի անհետացման վտանգի տակ գտնվող լեզուների շարքում

ՅՈւՆԵՍԿՕ–ն հրապարակել է այն լեզուների ցուցակը, որոնք անհետանալու վտանգի առաջ են:

Ուսումնասիրությունը ստացել է «Անհետանալու վտանգի առջև գտնվող աշխարհի լեզուների քարտեզ» անվանումը:

Լեզուներն ըստ վտանգի աստիճանի բաժանվել են հինգ հիմնական խմբի`

-խոցելի

-հստակ վտանգի տակ

-ուժեղ վտանգի տակ

-ծայրաստիճան վտանգի տակ

-մահացած լեզուներ

Ըստ ուսումնասիրության` Թուրքիայի տարածքում տարբեր ազգերի և ժողովուրդների լեզուներից 18-ը գտնվում է վտանգի տակ:

Թուրքիայում օգտագործվող լեզուներից «խոցելի» խմբում են աբխազերենը, ադիգերենը, չերքեզերենը, զազաերենը:

Իսկ «հստակ վտանգի տակ» խմբում են արևմտահայերենը, հայերենի համշենյան բարբառը, լազերենը, պոնտոսյան հունարենը, աբազերենը, ասորերենը:

Ըստ ուսումնասիրության` Թուրքիայում արևմտահայերենի կրող է շուրջ 50 հազար մարդ, իսկ լեզուն գտնվում է երկրորդ խմբում («հստակ վտանգի տակ»):

Նշենք, որ նույն ուսումնասիրությամբ Հայաստանի տարածքում վտանգի տակ է երկու լեզու` պոնտոսյան հունարենը և ասորերենը: Ադրբեջանում և Վրաստանում այդ թիվը հավասար է 11-ի:

http://haynews.am/hy/1368191150