Դիարբեքիրի Սուրի շրջանում գտնվող կաթոլիկ եկեղեցիներից մեկում «Ազգային փոքրամասնությունների հիմնադրամների շաբաթ» ծրագրի շրջանակներում անցկացվող միջացառման ընթացքում Դիարբեքիրի գլխավոր իմամը Ղուրանից հատվածներ է կարդացել:
Հիմնադրամների տարածաշրջանային տնօրեն Մեթին Էվսենը, ելույթով հանդես գալով, ասել է. «Մենք հպարտանում ենք մեր Դիարբեքիրով: Այն իր մեջ միավորում է 33 քաղաքակրթություն: Մեր պատկերացմամբ` բոլոր աղոթատեղիները սուրբ են: Այս սուրբ վայրում հիմա էլ, առաջ էլ Ալլահի անունն է հիշատակվել»:
Միջոցառմանը ներկա գտնվող ասորական եկեղեցու քահանան իր խոսքում ամբողջ աշխարհին, մասնավորապես` Սիրիային խաղաղություն է մաղթել: Նա կոչ է արել ազատ արձակել Սիրիայում առևանգված հոգևորականներին:
Leave a Reply