Հայ դատի նոր գրասենյակ Միսսուրիում

Ընդլայնելով իր ներկայությունը Մ. Նահանգների հյուսիսարեւմտյան կենտրոնում` Ամերիկայի հայ ազգային կոմիտեն (Հայ դատ) նոր գրասենյակ է բացել Միսսուրիում, տեղեկացնում է այդ առթիվ խմբագրությանը հասցեագրված հաղորդագրությունը: Գրասենյակի պաշտոնական բացման մասին հայտարարվել է ապրիլի 28-ին Գրանայթ Սիթիի (Իլինոյս) Սբ Գրիգոր հայկական եկեղեցում հայերի ցեղասպանությանը նվիրված հիշատակի արարողությունից հետո համայնքային կենտրոնում կազմակերպված հուշ-երեկոյի ընթացքում:

Նոր գրասենյակը ղեկավարելու են եղբայրներ Ջոն եւ Ջեյկ Վարադյանները եւ Ջոն Դոնճոյանը, որոնք ճանաչված են համայնքում որպես եկեղեցու հոգաբարձուների խորհրդի անդամներ եւ «Երիտասարդաց դաշնակցության» սաներ:

Հուշ-երեկոյի ընթացքում խոսք են առել ԱՄՆ Արեւելյան շրջանի Հայ դատի գրասենյակի գործադիր տնօրեն Միշել Հակոբյանը, Վեբստեր համալսարանի միջազգային հարաբերությունների բաժնի ուսանող Բորիս Աբաջյանը, Հայ դատի հարավային Իլինոյսի գրասենյակի ակտիվիստ Սթիվ Հակոբյանը եւ հայր Ստեփան Բալջյանը:

Ծրագրի ավարտից հետո NBC-ի գործընկեր KSDK հեռուստաընկերությունը հարցազրույց է վարել Միշել Հակոբյանի հետ եւ լուսաբանել հայերի ցեղասպանությանը նվիրված հիշատակի արարողությունը:

Հ. Ծ.

http://azg.am/AM/2013050808