Էրդողանը պատասխանել է Սբ. Սոֆիան մզկիթի վերածելու առաջարկին

Թուրքիայի վարչապետ Ռեջեփ Թայիփ Էրդողանը խորհրդարանում պատասխանել է պատգամավորների հարցերին: Խորհրդարանականներից մեկն Էրդողանին հարցրել է, թե արդյոք աշխատանքներ տարվում են Ստամբուլում գտնվող և թանգարանի կարգավիճակով գործող Սբ. Սոֆիայի (Այա Սոֆիա) տաճարը մզկիթի վերածելու ուղղությամբ:

Թուրքիայի կառավարության ղեկավարն ի պատասխան ասել է. «Սուլթանահմեթ մզկիթը շատ դատարկ է: Այ երբ Սուլթանահմեթը կլցվի, այն ժամանակ էլ Այա Սոֆիայի հարցը կդարձնենք օրակարգային»:

Հիշեցնենք, որ օրերս Թուրքիայի Բարեկեցություն կուսակցության (ԲԿ-SP) Չորլուի մասնաճյուղի ղեկավար Մուրադ Վաքիթչին կոչ էր արել Էրդողանին Ստամբուլի գրավման 560-ամյակի  կապակցությամբ Սբ.Սոֆիայի տաճարը վերստին վերածել մզկիթի:  

http://ermenihaber.am/?lang_id=2&news_=7&cur_news=446